2 – 4 жніўня 2013 г. адбудзецца прыгодніцкая гонка "Белы Ковель” на тэрыторыі Верхняга Падняпроўя (Аршанскі, Дубровенскі раёны Віцебскай вобласці). Мерапрыемства адбываецца пад эгідай і кіраўніцтвам "Федэрацыі Прыгодніцкіх Гонак”.

Cпартыўна-прыгодніцкая гонка з акцэнтам на гісторыка-культурную спадчыну Верхняга Падняпроўя. Падчас пераадолення дыстанцый адкрыецца цудоўная магчымасць наведаць шляхетныя сядзібы і паркі, таямнічыя гарадзішчы, сплавіцца па кавалку некалі ажыўлёнага шляху "з вараг у грэкі”. Замак "Белы Ковель" сустрэне вас цёплым вогнішчам, духмянай гарбатай і дабразычлівай атмасферай!

Арганізатары запрашаюць усіх зацікаўленых не толькі удзельнічаць, але і далучыцца да правядзення гэтага мерапрыемства.

Па ўсіх пытаннях і за дадатковай інфармацыяй звяртайцеся да Дзмітрыя Траскоўскага: Тэл. +375-29-2647731, e-mail: belykovel@gmail.com

Далучайцеся да развіцця прыгодніцкага руху, папулярызацыі актыўнага ладу жыцця і гісторыка-культурнай спадчыны!