31 траўня – 2 чэрвеня 2013 года ў Дзяржынскім раёне Мінскай вобласці праводзяцца спаборніцтвы па арыентаванні на роварах.

Спаборніцтвы праводзяцца згодна з «Палажэннем аб правядзенні рэспубліканскіх спаборніцтваў па спартыўным арыентаванні на 2013 год».

Арганізатары

Міністэрства спорту і турызму Рэспублікі Беларусь, Беларуская федэрацыя арыентавання, клуб аматараў «Баклан».

Мэты і задачы

Вызначэнне наймацнейшых спартсменаў, паляпшэнне майстэрства спартсменаў, развіццѐ і папулярызацыя спартыўнага арыентавання ў Рэспубліцы Беларусь.

Час і месца правядзення

Спаборніцтвы адбудуцца 31 траўня – 2 чэрвеня 2013 года ў Дзяржынскім раёне Мінскай вобласці.

Праграма спаборніцтваў

Пятніца, 31.05.2013

20:00 – 21:30      Заезд удзельнікаў. Рэгістрацыя ўдзельнікаў у цэнтры спаборніцтваў.

Субота, 01.06.2013

10:00 – 12:00      Заезд удзельнікаў. Рэгістрацыя ўдзельнікаў у цэнтры спаборніцтваў.

12:30 Цырымонія адкрыцця спаборніцтваў.

13:00 Пачатак асабіста-камандных спаборніцтваў на доўгай дыстанцыі.

Нядзеля, 02.06.2013

11:00 Пачатак асабіста-камандных спаборніцтваў на сярэдняй дыстанцыі.

14:00 Узнагароджанне ўдзельнікаў. Цырымонія закрыцця спаборніцтваў. Ад’езд удзельнікаў.

Удзельнікі спаборніцтваў

Да ўдзелу ў спаборніцтвах у асабістым і камандным заліку дапускаюцца спартсмены, якія з’яўляюцца членамі Беларускай федэрацыі арыентавання (БФА). Грамадзяне Рэспублікі Беларусь, якія не з'яўляюцца членамі БФА, маюць права ўдзельнічаць у асабістым заліку, а ў камандным заліку толькі ў складзе зборных каманд абласцей ці г. Мінска. Спартсмены з іншых краін, якія не з'яўляюцца членамі БФА, удзельнічаюць па-за конкурсам.

У асабістым заліку мужчыны і жанчыны ўдзельнічаюць адпаведна па групах М21 і Ж21.

Удзельнічаць  у  спаборніцтвах  дазваляецца  спартсменам  з  любой спартыўнай кваліфікацыяй,  калі  яны  старэйшыя  за  18  гадоў. Спартсмены ва  ўзросце  16  і  17  гадоў маюць  права  ўдзельнічаць  пры наяўнасці спартыўнай  кваліфікацыі  не  ніжэй  за  першы разрад і медыцынскай даведкі аб допуску да спаборніцтваў сярод дарослых.

Удзельнікі самастойна адказваюць за стан свайго здароўя падчас спаборніцтваў.

Склад камандаў

Склад камандаў не абмежаваны.

Умовы вызначэння вынікаў

Асабісты залік: вынікі падводзяцца асобна для кожнага віда праграмы.

Агульнакамандны залік: падлічваецца шэсць лепшых вынікаў членаў каманды ў кожны дзень спаборніцтваў. Агульнакамандныя вынікі вызначаюцца па суме балаў, паводле табліцы № 1. У выпадку аднолькавай сумы перавагу атрымлівае каманда, у якой больш 1-х месцаў і г.д.

Табліца №1

Парадак узнагароджання

Пераможцы і прызёры ў асабістым заліку ўзнагароджваюцца дыпломамі, медалямі і памятнымі прызамі. Каманда-пераможца атрымлівае кубак, каманды-прызёры – дыпломы.

Выдаткі і размяшчэнне ўдзельнікаў

Усе выдаткі па ўдзелу ў спаборніцтвах нясуць арганізацыі, якія камандзіруюць спартсменаў. Па пытаннях размяшчэння звяртацца да арганізатараў.

Форма заяўкі і апошняя дата яе атрымання

Заяўка на спаборніцтвы ажыццяўляецца ў інтэрнэце праз сайт КА «Баклан»

. Апошні тэрмін прымання заяўкі – 21 траўня 2013 года. Пры ўзнікненні пытанняў па рэгістрацыі звяртацца да арганізатараў.

Кантактная інфармацыя

Галоўны суддзя – Антон Юрок +375 29 663-19-29

Намеснік галоўнага суддзі – Мікіта Лаппо +375 44 735-95-77

Галоўны сакратар – Марыя Радкевіч +375 33 621-73-53

E-Mail: mtbo@tut.by